Magaalada Xuddur ee xarunta gobolka Bakool, saameynta COVID-19 awgeed kama jiro wax diyaar garow balaaran ah oo ku aadan Ciidul Fidriga, sida uu soo sheegayo wariyaheen Maxamed Xasan C/raxmaan.
Wariyaha waxaa uu booqday suuqyada magaalada Xuddur, isagoo dad aan badneyn kula kulmay suuqa.
Saameynta ugu weyn oo COVID-19 ku keenay dadka magaalada waxaa kamid ah qiimaha badeecadaha uu aad u qaaliyoobay, iyadoo magaaladaas markii hore ku jirtay go’doon ay ku soo rogeen maleeshiyaadka Alshabaab.
Inkastoo, ilaa iyo hadda wax kiis Corona fayrus ah laga helin magaalada Xuddur haddana saameyntiisa ayaa si weyn looga dareemay magaalada.
