Ra’iisul wasaaraha xukuuamdda Federaalka ah ee Soomaaliya, Wasiirka Gaashaandhigga, Wasiirka Amniga gudaha, Wasiirka Wafaafinta, dhaqanka iyo dalxiiska oo ay wehliyeen wasir key-xigeenka iyo wasiiru-dwlaha wasaarada Warfaafiinta, ,xeer ilalaiyaha guud ee Qaranka, taliyaasha ciidanka qalabka sida, Madaxda Ururada haweenka iyo mati sharaf kale ayaa ka qeybgalay munaasabad lagu xusayay sanadguuradii kowaad ee kasoo wareegatay Aasaaskii Radio Muqdisho Codka Cidamada qalabka sida.
Agaasimaha Radio Muqdisho Codka Ciidamada Qalabka sida Cabdullahi Iimaan Ceynte ayaa sheegay in sababaha idaacadda loo aas aasay ay tahay baahinta wararka la xiriira ciidamada iyo sidii bulshada loo fahamsiin lahaa ahmiyadda ay ciidamadu u leedyihiin.
Sidookale Taliyaha Ciidanka Nabsugida iyo Sirdoonka qaranka Sareeya Guuto Cabdiraxmaan Maxamed Tuuryare oo hadal kooban jeediyay ayaa hambalyo iyo bogaadin u jeediyay howlwadeenada Radio Muqdisho Codka Ciidamada qalabka sida.
Taliyaha Cidanka Boliska Somaaliyeed Sareeya Guuto Maxamed Sheekh Xasan Xaamud oo xilligii uu Wasiirka Difaaca ahaa aas aasay ayaa sheegay in uu aad ugu faraxsanyahay ka qeyb galka sanad guurada koowaad ee Idaacadda.
Taliyaha Ciidanka Xoogga dalka Saeeya Gaas Daahir Aadan Cilmi “Indha-qarshe” ayaa xusay in idaacadda ay u taagantahay baahinta wararka la xiriira arrimaha ciidanka, ayna diyaar u yihiin in ay dhiiri geliyaan howsha ay bulshada u hayaan.
Sareeya Gaas Bashir Maxamed Jaamac Bashiir Goobe Taliyaha Ciidanka Asluubta ayaa isna hambalyo u diray shaqaalaha iyo maamulka Idaacadda, isla markaana ku tilmaamay inay tahay tallaabo lagu farxo xuska sanad guurada koowaad ee Radio Muqdisho codka ciidamada qalabka sida.
Wasiirka Warfaafinta, dhaqanka iyo dalxiiska Mudane Maxamed Cabdi Xayir “Maareeye” ayaa sheegay in Idaacaddu ay marti geliyeen, isla markaana ay wadaan sidii loo horumarin lahaa Warbaahinta dowladda, isagoo ugu dambalyeeyay xuska sanad guurada koowaad.
Wasiirka Gaashaandhidga Cabdiqaadir Sheekh Cali Diini ayaa sheegay in ay tahay tallaabo lagu farxo xuska Radio Muqdisho codka ciidamada qalabka sida.
Ra’iisul wasaaraha Xukuumadda Federaalka Soomaaliya Mudane Cumar Cabdirashiid Cali Sharma’arke ayaa ugu horeyn hambalyo u diray maamulka iyo shaqaalaha Radio Muqdisho codka ciidamada qalabka sida, isagoo xusay in xukuumadiisu ay xoogga saareyso daryeelka ciidamada qalabka sida.
Intii ay socotay Munaasabada lagu xusayay sanad guurada 1-aad ee ka soo wareegtay aas aaskii Radio Muqdisho Codka ciidamada qalabka sida, ayaa dhamaan mas’uuliyiintii goobta ka hadashay waxay si aad ah ugu mahadceliyeen Wasaaradda Warfaafinta oo iyadu siisay xarunta ay hada ku shaqeyso Idaacad ku hadasha Codka Ciidamada qalabka sida.
Sawir Qaade:- Farxaan Suleymaan Daahir “Maasgaro”
