Munaasabadani oo aheyd Mid loogu Dabaal dagayay Sanad guurada 4-aad Ee idaacadda Risaala ayaa galabta lagu qaqtay Hotelka SYL Ee magaaladda Muqdisho ,Waxaana Ka soo Qeybgalay Maamulka iyo shaqaalaha Idaacadda,Wariyeyaal,dhageystayaal, Agaasimaha Radio Muqdisho,Afhayeenka Maamulka Gobolka Banaadir,Guddoomiyaha Guddiga Arrimaha Bulshadda Ee Baarlamaanka Somaaliya,Wasiirka Ku Xigeenka Wasaaradda Warfaafinta Dhaqanka iyo dalxiiska iyo Marti Sharaf kale.
Ugu Horeyn ayaa waxyaabaha ay Idaacadda Risaalla Ay Qabatay Inta ay Jirtay iyo Waxyaabaha ay Hiigsaneyso Ka sheekeeyay Agaasimaha Idaacadaasi Maxamed Cabdiwahaab oo sheegay in idaacada ay xooga saartay soo bandhigida arrimaha bulshada.
Sidoo Kale Waxaa Idaacadda Hambalyo Dhahay Wariye Liiban Cabdi Cali oo ka mid ah wariyeyaasha Warbaahinta Qaranka, Guddoomiyaha La dagaalanka Qaadka Abuukar Cawaale Qaad-diid,Agaasimaha Radio Muqdisho,Cabdiraxiin Ciise Cadow,Iyo Afhayeenka Maamulka Gobolka Banaadir Cabdifitaax Cumar Xalane.
Guddoomiyaha Guddiga Arrimaha Bulshada Ee Baarlamaanka Soomaaliya Prof Cusmaan Maxamuud Dufle oo munaasabadda ka hadlay ayaa u Hambalyeeyay Maamulka Sare Iyo shaqaalaha Idaacadda Risaala.
Uga Dambeyntii ayaa waxaaa Munaasabadda Soo xiray Wasiir ku Xigeenka Wasaaradda Warfaafinta Dhaqanka Iyo Dalxiiska Mudane CabdulaahI Colaad Rooble oo Tilmaayay In Warbaahinta Madaxa Banaan Iyo Wasaaradda In Si Dhow Ay iskula Shaqeeyaan waxaana Idacadda risaala Ugu Hambalyeeyay Sanad-guuradii 4 aad Ee ka Soo Wareegatay Markii ay La’aas aasay
