Xaflad si heer sare ah loo soo agaasimay oo caawa lagu qabtay Taliska Ciidanka sirdoonka iyo Nabadsugidda qaranka ee Degmada Shibis ayaa waxaa ka qeybgalay M.weynaha Jamhuuriyadda fadaraalka ah ee soomaaliya Xasan Sh Maxamuud,Taliyaha Hay’adda Sirdoonka Iyo Nabadsugidda Qaranka C.raxmaan Maxamed Tuuryare,Qaar kamid ah Taliyaashii hore ee hayadda Soomaray, Guddoomiayaha Gobalka ahana duqa magaalada muqdisho,Taliyaha Hoggaanka Socdaalka Iyo Jinsiyadaha, Saraakiil ka kala socotay Ciidanada qalabka sidda ee soomaaliya,Iyo Ciidmanka Midowga Afrika Amisom, Dublumaasiyiin ka kala socotay safaaradaha dowladaha caalamka u fadhiya soomaaliya, kooxda baambeyda ciidanka booliska,fanaaniin iyo marti sharaf kale oo lagu casuumay xafladda.
Guddoomiyaha Gobalka Banaadir Ahna Duqa magaalada muqdisho Mudane Xasan Maxamed Xuseen Muungaab oo furitaanka Xafladda Hadal ka jeediyay Ayaa Aad u bogaadiyay Howlaha Hay’adda Sirdoonka iyo Nabadsugidda Qaranka Ay u heyso bulshada Soomaaliyeed isagoo uga hambalyeeyay Sanadguurada 45aad ee hay’adda oo caawa loo dabaaldagay.
Janaral Axmed Dayib Dhagacaleen oo ku hadlayay magaca ciidanka Booliska soomaaliyeed ayaa sheegay in wada sheqeyb xoog leh ay leeyihiin ciidanka Sirdoonka iyo nabadsugidda soomaaliyeed taasina ay sabab u noqotay ciidamada amaanka ay ka hortagaan falal dambiyeedyo qorsheysnaa oo cadawgi doonayay in ay ka geystaan magaalada muqdisho iyo deeganada kale ee dhawaan laga xureeyay Cadawga Al-shabab.
Amaanduulaha Ciidanka xoogga dalka soomaaliyeed C.rasaaq Khaliif Cilmi oo ku hadlay magaca taliska ciidanka xoogga dalka soomaaliyeed ayaa isna hablayo u diray ciidamada Sirdoonka iyo Nabadsugidda Qaranka Soomaaliyeed.
Ka qeybgalayaasha xafladda ayaa hayaddu waxa ay u soo bandhigtay Vido lagu miijanayay waxqabadkii hay’adda iyo sida looga hortagay dambiyo qorsheysan oo la doonayay in laga geysto meelo kala duwan oo dalka kamid ah taas oo aad u soo jiidatay dadkii daawanayay.
Gababadii xafladda waxaa hadalka qaatay taliyaha Hay’adda Sirdoonka iyo nabadsugidda qaranka soomaaliyeed C.raxmaan Maxamed Tuuryare oo jeediyay qudbaddii loogu talagalay xafladda, isagoo mahadnaq iyo bogaadin u diray saraakiisha Dableyda,Xaasaskooda iyo caruurtoodaba Sanadguurada 45aad ee aas aaska NISA Aawgeed.
Taliayaha ayaa sidoo kale tacsi u diray saraakiishii iyo Askartii geeriyootay sanadkii lasoo dhaafay isagoo alle u weydiiyay Janatul Firdowsa.
Gunaanadka Xafladda ayaa waxaa soo xiray M.weyanaha Jamhuuriyadda Soomaaliya Md Xasan Sh Maxamuud oo Amaanay Dadaalka Ciidanka Sirdoonka iyo Nabadsugidda Qaranka Soomaaliyeed.
M.weyne Xasan Sh Maxamuud ayaa sheegay in aysan soomaaliya ka jirin Awood Al-shabab, Hase yeeshee ay jiraan kooxo yar yar oo bulshada ku dhex dhuumata, taas oo loo baahanyahay in waalidiinta iyo Qeybaha kale ee bulshada ay kala shaqeyaan sidoo loogu gacan galin lahaa hayadaha Amaanka.
M.weyne Xasan sh Maxamuud ayaa ugu dambeyn in rajeeyay Hay’adda Sirdoonka Iyo Nabadsugidda Qaranka Guul iyo Hormar iyo in sanadka soo socda meel ka wanaangsan sida sanadkan uu gaaro Amaanka Dalka Soomaaliya.
Taliyaha gaarka ah ee XDS oo kulan la qaatay dhiggiisa dalka Talyaaniga
Taliyaha Taliska Ciidanka Gaarka ah ee Ciidanka Xoogga Dalka Soomaaliyeed, Sarreeye Guuto Aadan Maxamed Cumar, iyo wafdi uu hoggaaminayo, ayaa...
