Mas’uuliyiin katirsan Dowladda Federaalka ah ,Wakiillo ka socday Beesha Caalamka iyo Madaxda Maamul Gobolleedka Koofur galbeed Soomaaliya ayaa waxa ay ka qeybgaleen Munaasabad lagu xusayay sanad guuradii 1-aad ee kasoo wareegtay dhismaha Maamulka Koofur Galbeed Munaasabadaasi oo lagu qabtay Magaalada Beydhabo.
Dhammaan Xubnihii ka qayb galay munaasabadda ayaa Aad ugu mahad celiyay Madaxweynaha Mamulka Koonfur Galbeed Soomaaliya mudadii koobnayd shaqadii uu ka qabtay deegaannada uu ka Arrimiyo maamulka koonfur galbeed Soomaaliya.
Wasiirka Arrimaha Gudaha iyo Dowladaha hoose ee Maamulka Koonfur Galbeed Soomaaliya Cabdiraxmaan Ibraahim Aadan ayaa Ammaanay Wasiirrada Maamulka koonfur Galbeed Soomaaliya Muddadii sanadka ahayd Shaqooyinkii Ay u qabteen dadka ka soo jeeda deegaannada Maamulka Koonfur Galbeed uu ka taliyo.
Madaxweynaha Maamulka Koonfur Galbeed Soomaaliya Shariif Xasan Sheekh Aadan oo Ugu dambayntii munaasabadda ka hadlay ayaa u mahadceliyay Ciidamada Xoogga dalka iyo kuwa AMISOM Guulihii ay ka gaareen howlgalkii loogu magacdaray Jubba kaas oo ka dhacay Gobollada Baay, Bakool iyo Shabeellaha Hoose, isagoo sheegay in uu sii xoojin doono Shaqada uu hayo Maamulkiisu.
