Taliyaha Ciidanka Dhulka ee xoogga dalka Soomaaliyeed Sareeyo Guuto Cabdixamiid Maxamed Dirir iyo Gudoomiyaha Gobolka Shabellaha Hoose Ibraahim Aadan Cali ayaa kormeeray difaacyada ciidanka xoogga ee Degmada Awdheegle iyo xaafadaha magaalada.
Taliyaha iyo maamulka gobolka ayaa kormeeray xaafadaha kala duwan ee degmada, iyagoo bulshada qeybaheeda kala duwan ka xogwareystay xaaladda nololeed ee Awdheegle iyo deegaannada ku xeeran.
Ujeedka socdaalkooda ayaa ah u kuurgelidda xaaladda dhabta ah ee ka jirta degmada.
