Wafdi uu hogaaminaayo madaxa hoggaanka tababarrada ciidanka boliiska Soomaaliyeed sareeyo gaas Maxamad Cabdule Dhoorre ayaa maanta gaaray magaalada Cadaado ee xarunta ku meel gaarka dowlad goboleedka Galmudug.
Mas’uuliyiintaan ayaa Cadaado u tegay in ay tababar u furaan ciidamo cusub oo ka mid noqonaya boliiska dowlad goboleedka Galmudug .
Wafdigan ayaa waxaa ka mid ah macalimiinta tababarka siineysa ciidamada cusub ee ku soo biiraya boliiska Soomaaliyeed , maddaama uu socdo olole ciidamo cusub loogu tababarayo dowlad goboleedyada dalka ka jira .
Taliyaha boliiska dowlada goboleedka Galmudug C/casiis Yuusuf Aadan ayaa sheegay in ay ku faraxsanyihiin imaatinka saraakiishan , ayna muhiim tahay inay tababarro helaan ciidamada cusub ee boliiska Soomaliyeed loo tababarayo.
Garoonka diyaaradaha magaalada Cadaado waxaa saraakiishan ku soo dhaweeyay madaxwaynaha dowlad goboleedka Galmudug C/kariin Xuseen Guuleed iyo saraakiil kale oo ka tirsan boliiska Galmudug.
Wafdigaan uu hoggaaminaayo madaxa hoggaanla tababarka ciidanka boliiska ayaa waxaa ka mid ahaa taliyaha ururka taliska ciidanka boliiska Soomaaliyeed gashanle sare Cumar Macalin Xasan ,
Dhawaan ayaa la filayaa in saraakiishan tababarka ay ka furaan magaalada Cadaado .
