Related posts
Sarkaal sare oo ka tirsanaa Kooxda Nabadiidka Al-Shabaab ayaa isku soo dhiibay ciidanka xoogga dalka Soomaaliyeed, gaar ahaan guutada 8-aad ee qeybta 60-aad.
Sarkaalkaan oo lagu magacaabo Aadan Shiniyow Ibraahim ayaa ka mid ahaa horjoogayaasha sare ee Nabadiidka Al-Shabaab u qaabilsaana dhanka waxa ay ugu yeeraan Jabhada.
Aadan ayaa Al-Shabaab ku jiray 10-kii sano ee lasoo dhaafay, wuxuuna ka soo howlgalay gobollada Hiiraan, Gedo, Bay iyo Bakool, isagoo ka qeyb qaatay dagaalo dhowr ah oo ka dhacay gobollada Gedo iyo Hiiraan.
Sidoo kale waxa uu sheegay in si dhaw uu ula shaqeyn jiray horjoogayaal ay kamid yihiin Afhayeenka kooxda Cali Maxamuud Raage (Cali Dheere). Wuxuuna ka sheekeyey dhacdooyinkii foosha xumaa ee nabadiidka Al-Shabaab ay kula dhaqmeen shacabka Soomaaliyeed intii uu ka tirsanaa.
