La-taliyaha arrimaha ciidanka Xoogga dalka ee Madaxweynaha Jamhuuriyadda federaalka ah ee Soomaaliya, Sarreeye guud Bashiir Maxamed Jaamac, ayaa hambalyo ku aadan Xuska Sanad guuradda Xilligii la aas-aasay Ciidanka Booliska Soomaaliyeed oo ku beegan maalinta barri ah u diray Taliskaasi.
“Waxaan u hambalyeynayaa Sarreeyeyaasha, Saraakiisha, Saraakiil xiggeenka , Alifleyda, Dableyda Ciidanka Booliska Soomaaliyeed iyo xaasaskooda Xuska Sanadguurada 74aad ee kasoo wareegtay markii la aas-aasay Ciidanka Booliska Soomaaliyeed 20 December 1943 awgeed oo ku beegan maalinta barri ah, Ciidanka Booliska waa laf dhabarka Bulshadda Soomaaliyeed” ayuu yiri Sarreeye guud bashiir Maxamed
Sarreeye Guud Bashiir Maxamed Jaamac, La-taliyaha arrimaha ciidanka Xoogga dalka ee Madaxweynaha Jamhuuriyadda federaalka ah ee Soomaaliya, ayaa xusay in Taliska Ciidanka Booliska Soomaaliyeed uu ka shaqeynayey muddo aad u badan, uuna kasoo noqday Taliye xiggeen, islamarkaana Saraakiisha Ciidanka Booliska uu ku yaqaano inay yihiin howlkar waqti adag iyaddoo lagu jiro u dhabar adeegay siddii dalka loo xasilin lahaa.
