Faaahino dheeri ah ayaa ku soo baxaya Qaraxyo maanta ka dhacay meel u dhaw Garoonka Diyaardaha Caalamiga ah Aadan Cadde ee Magaalada Muqdisho.
Saraakiisha Amaanka oo lahadlay Warbaahinta Qaranka ayaa sheegay in qaraxyadaasi ay ku geeriyoodeen 5 Qof oo labo kamid ah ay yihiin kuwii is-qarxiyay tiro intaa ka badan ay ku dhaawacmeen.
Qaraxyadan ayaa waxaa loo adeegasay Gawaari lagu soo buuxiyay waxyaabaha Qarxa waxaana lala eeggtay Bar Kontarool oo ay ku sugnaayeen Ciidamo kawada tirsan kuwa Soomaliya iyo AMISOM oo sidaa aan ugu fogeyn Garoonka Diyaaradaha ee Muqdisho.
Warku wuxuu intaa ku daray in Ciidamada Amaanka iyo kuwa AMISOM oo is kaashanaya ay ka hortageen ujeedka Weerarka oo ahaa in lala eegta Garoonka Diyaaradaha Aadan Cadde balse Ciidamadu ay rasaaseeyeen Gawaarida Qaraxyada siday waxayna taasi keentay in ay goobtaasi ku qarxaan.
