Qunsuliyada Guud ee Caden oo oo sii ambaqaadaysa dadaaladeeda ku aadanaa badbaadinta qaxootiga Soomaaliyeed ee wali ku xaniban dalka yemen oo ay wali ka socdaan dagaalo sokeeye tan iyo horaantii 2015 , ayaa ku guulaysatay in iyada oo kaashanaysa hayadda Qaxootiga Qaranka Soomaaliyeed ‘ IOM iyo Hay’ada Malik Salmaan in diyaarad looga soo qaadi doono magaalada caden qaxooti gaaraya 152 qofood oo isugu jira qoysas wata caruur , dad waawayn iyo bukaan , lana soogaarsiin doono magaalada Muqdisho maalinta Talaadada oo ku beegan 17Janayo 2017. Kuwaas oo ku xanibnaa magaalada Caden mudo dheer.
Qoxootigan lakenayo magaalada muqdisho ayaa badankoodu ka soo jeedaan gobolada koofureed ee soomaaliya . Waana qaybtii 2aad oo laga soo qaado cadan oo lasoogaarsiiyo Soomaaliya , horaantii Nov 2016 ayey ahayd markii dooni ay soo kiraysay IOM ay ka sooqaaday magaalada Caden qaxooti gaaraya 180 qoys lana soo gaarsiiyey dekeda Berbera.
Qunsulka guud ee Soomaaliya u fadhiya cadan mudane Axmed Cabdi Xassan Axmed Suudaan ayaa si gaar ah uga mahad celiyey dhinacyadii ka qayb qaatay suurto galinta barnaamijka lagu samata bixinayo qaxootiga soomaaliyeed ee wali ku xaniban dalka yemen una baahan in loo fidiyo gurmad badbaadin, isagoo sheegay inay jsii wadi doonaan dadaalada loogu celinayo qaxooti soomaaliyeed oo wali jooga dalka yemen una baahan in loo fidiyo gargaar .
