Dowladda Soomaaliya iyo Sanduuqa Horumarinta kuwait oo soddon sanno kadib dib u bilaabaya xiriirka iyo wada shaqeynta taageerada dhaqaalaha.
Heshiiskaan oo maanta ka dhacay dalka Kuwait ayaa dowladda Soomaaliya waxaa u saxiixay Safiirka Soomaaliya u fadhiya dalka Kuwait Ambasaddor Dr. Cabdullaahi Maxammed Odowaa iyo agaasimahha guud ee Sanduuqa horumarinta dalka Kuwait Sayid Marwaan Al-Qanem.
Related posts
Heshiiskaan oo qeyb ka ah barnaamijka deyn cafinta Soomaaliya ayaa waxaa uu dib u bilaabaya wada shaqeynta u dhaxeysay labada dhinac, kaasi oo hakad ku jiray muddo ku dhow 30 sanno oo Soomaaliya ay ku jirtay burburka iyo dowlad la’aanta.
Waxaa uu sidoo kale heshiiskaan gogol xaar u yahay wada shaqeyn cusub oo dhexmarta labada dhinac, waxaana hada iyo waxii ka dambeeya Soomaaliya ay codsan kartaa deymo cusub ama kaalmaha tooska ah oo sanduuqa uu ku caawiyo wadamada soo koraya.
Saxiixa heshiiskaan wuxuu qayb ka yahay barnaamijka dayn cafinta ee dawladda Soomaaliya la waddo hayโaddaha caalamiga ah ee daymaha bixiya, sida Bangiga Aduunka (World Bank) iyo Hayโadda Lacagaha Adduunka (IMF) waxaana tani ay tahay mid muujineysa in Soomaali ay dadaal dheeri ah ku bixisay sidii kalsooni buuxa loogu qaadi lahaa hanaanka maaliyadeed ee hey’adaha dhaqaalaha dalka oo muddooyinkii u dambeeyay aad usoo hagaagay.
Sanduuqa horumarinta dalka Kuwait ayaa burburkii kahor Soomaaliya ka taageertay fulinta mshaariic badan oo muhiim u ahaa dalka.
