Guddoomiyaha Golaha Shacabka BJFS Sheekh Aadan Maxamed Nuur (Madoobe) ayaa maanta kormeer indha-indheyn ah ku tagay teendhada Afisyooni oo ay ka socoto qaban qaabada doorashada madaxweynaha 10-aad ee Soomaaliya.
Guddoomiyaha ayaa gudaha teendhada Afisyooni kulan kula qaatay saraakiisha ciidanka nabad ilaalinta ATMIS iyo kuwa amniga ee Soomaaliya.
Saraakiisha ayaa la faray in ay muujiyaan feejignaan dheeri ah, si ay u qabsoonto doorashada madaxweynaha dalka, iyadoo goobtu ay tahay mid ammaanka ah.
Ugu dambeyn Guddoomiyaha ayaa mid mid u dul istaagay goobaha loogu tala galay in ciidamada ammaanka ay ku shaqeeyaan. Guddoomiyuhu wuxuu amray in dadka aan lagu xadgudbin, iyadoo la gudanayo waajibaadka shaqo ee la iska rabo.
