Ra’isulwasaare ku xigeenka dalka ahna ku simaha Ra’isulwasaaraha Mudane Mahdi Maxamed Guuleed Khadar ayaa magaalada Muqdisho kula kulmay fanaanadda Soomaaliyeed ee Maryan Mursal Ciise Bootaan oo maanta soo gaartay magaalada Muqdisho.
Ra’isulwasaare ku xigeenka Dalka waxaa kulankiisa ku wehliyey Wasiirka Wasaaradda Warfaafinta,Dhaqanka iyo Dalxiiska Xukuumadda Federaalka Soomaaliya Mudane C/raxmaan Cumar Cusmaan “Eng Yariisoow” waxaana ay si wadajir ah ugu soo dhoweeyeen fanaanadda magaalada Muqdisho.
Related posts
Fanaanadda Soomaaliyeed Maryan Mursal Ciise Bootaan oo ka mid aheyd fanaaniinta Qaranka ee hobollada Waaberi ayaa dhowaanahan ku sugneyd Soomaaliya waxaana ay maanta soo gaartay magaalada Muqdisho.
Kulanka uu ku simaha Ra’isulwasaaraha Dalka la qaatay fanaanadda Maryan Mursal ayaa ah mid lagu dhiiri gelinayey socdaalka ay maalmahan ku mareysay deegaanno ka tirsan dowlad goboleedka Puntland ee Soomaaliya.
