Madaxweynaha iyo wafdigiisa ayaa waxaa garoonka diyaaradaha Sharm El Sheikh kusoo dhaweeyay dhigiisa dalka Masar Cabdifatah Sisi iyo mas,uuliyiin kale waxaana madaxweyne Xassan Sheekh Maxamuud uu ka qeyb galayaa shir madaxeedka dalalka carbeed oo ka furmaya magaalada Sharm El Sheik kaasoo ajandaha ay kaalmaha hore uga jirto xaaladda dalka Yemen.
Dhinaca kale maanta ayaa waxaa magaalada Sharm El Sheik kusoo geba gaboobay shirka wasiirada arimaha dibedda ee wadamada carabta kaasoo uu Soomaaliya uga qeybgalay wasiirka arimaha dibedda C/salaan Hadliye Cumar oo iiga waramay dhanka Soomaaliya waxa ay la tageen waxa uuna xusay inay weydiisteen dalalkii carabta in dowladda Soomaaliya laga taageero dhinacyada siyaasadda iyo dhaqaalaha.
Shir madaxeeedka oo isagu dhankiisa furmi doono ayaa waxa ay Soomaaliya ka filan karto waxa uu wasiirku ku tilmaamay mid guu u ah wadanekena.
Madaxda Qaranka oo uu madaxweynuhu ugu horeeyo ayaa dadaal ugu jira sidii shirarka caalamiga ah iyo madaxda adduunka ay u hor dhigi lahaayeen xaaladda Soomaaliya iyo sida ay diyaar ugu tahay inay wax la qabsato caalamka intiisa kale.
Photo by.Bashiir Khaliif Gaani Sharm El Sheikh
