Ra’iisul Wasaaraha XFS Maxamed Xuseen Rooble iyo wefdi uu hoggaaminayo ayaa goordhaw gaaray magaalada Abu Dhabi ee dalka Isutagga Imaaraadka Carabta, halkaas oo uu kulamo kula yeelan doono madaxda ugu sarreysa dalka Imaaraadka Carabta.
Ra’iisul wasaare Rooble ayaa si weyn loogu soo dhoweeyey garoonka diyaaradaha magaalada Abu Dhabi, halkaasi oo ay ku qaabileen madax sare oo ka tirsan dalkaas.
Qoraal kasoo baxay xafiiska R/Wasaaraha ayaa lagu shaaciyey in ujeedka booqashadan uu yahay mid lagu sii xoojinayo xiriirka u dhexeeya labada dal ee walaalaha ah iyo sidii loo sii horumarin lahaa.
