Gudoomiyaha gobolka Banaadir ahna duqa magaalada Muqdisho General Xassan Maxamed Xuseen “Muungaab” oo ka mid ahaa mas,uuliyiin uu madaxweynaha Qaranku gudoonsiiyay shahaado sharaf iyo billado ay ku muteysteen howlahooda ayaa Duqa magaalada Muqdisho waxa uu ku muteystay waxqabadkii uu muujiyay gaar ahaan dib u dhiska balaaran ee uu ku sameeyay xarunta dowladda hoose.
Munaasabadda 1-da Luuliyo oo xalay calanka lagu saaray xaruntan dib loo dayactiray oo uu hindisaheeda lahaa guddoomiyaha ayaa aheyd halkii 60kii lagu saaray calankeena midowgii gobollada waqooyi iyo kuwa koofureed taasoo sanado badan kadib uu ku guuleystay in markale lagu saaro.
Madaxweynaha ayaa sidoo kale billad gudoonsiiyay islamarkaana u xiray gudoomiyhaa gobolka Banaadir ahna duqa magaalada Muqdisho oo ka mid ahaa mas,uuliyiinta sida weyn isugu howlay todobaadka xoriyadda dalkeena.
