Agaasimaha Guud ee Xafiiska Maaraynta Bay’adda ee Xafiiska Raiisul Wasaaraha Maxamud C. X. Xaashi oo Socdaal ku tagay dalka Switzerland kadib maanta kulan la qaatay shaqaalaha Bay’ada ama ilaalinta deegaanka oo horay wasaarad u ahaan jirtay hase ahaatee la hoos geeyay xafiiska Ra’isulwasaaraha ayaa kulankooda uga hadlay sidii loo horumarin lahaa waxna looga qaban lahaa arrimaha xaalufinta deegaanka.
Agaasimaha ayaa sidoo kale shaqaalaha iyo maamulka warbixin ka siiyay shirar ku saabsan arrimaha deegaanka oo uu uga qeybgalay Geneva isagoo sheegay in Geneva uu kaga qeyb galay shir Qaramada Midobay ku casuuntay, meeshana uu kula soo kulmay Masuuliyiinta Hay’adaha UNka isagoo sheegay in ay ka caawin doonaan Xukumada Federaalka xaga horumarinta Bii’ada .
Wuxuu kaloo sheegay in ay ku tala jiraan qabashada barnaamijyo balaaran oo looga hadlayo horumarinta iyo Maaraynta Bay’ada Soomaaliya. Kuwaas oo ugu dambayntii yeeshay hal meel oo laga maamulo: Xafiiska Qarranka ee Maaraynta Bay’adaha (NEMO, National Environment Management Office) .wuxuuna Shaqaalaha u sheegay in ay gacan ka geysanayaan barnaamijyadii iyo Mashaariicda ay Dawlada martida uga noqon jireen hay’ado ajaniib ah iyo kuwa samafalka,wixii hada ka dambeeyana waxaa la dhisayaa Hay’daha iyo xafiisyada Bii’ada qaranka iyadoo la kaashanayo barnamijiyo hormar iyo kuwa tayeynta xafiisyada dawladda,
Shaqaalihii oo iyagana halkaa ka hadley ayaa ku amaanay Ra’iisul Wasaaraha cusub go’aankiisa uu ku tageeray in la sii wado shaqada Xafiiska Qarranka ee Maaraynta Bay’adaha, iyo diyaarinta sharciga hay’ada madax banan ee maareynta Bii’ada qaranka. Waxayna aad u soo dhaweyeen Siyaasadaha Ra’iisul Wasaaraha cusuub ku wajahayo ilaalinta iyo maaraynta Bay’adaha kana muujiyeeen rajo wanaagsan qaabka cusub ee qorshe sanadlaha e 2015 Xafiiska Qarranka ee Maaraynta Bay’adaha ee loo wajahayo maaraynta Bay’ada.
