Wasaaradda Cadaaladda iyo Arrimaha Dastuurka Xukuumadda Federaalka Soomaaliya oo maanta qabatay Munaasabadda Abaal-marinta Shaqaalaha, iyadoo ay goobjoog ka ahaayeen Wasiirka Wasaaradda, Xoghayaha Joogtada, Agaasimaha Guud iyo Guddiga Shaqaalaha Rayidka, ayaa lagu guddoonsiiyay shaqaalaha ugu wanaagsan sanadka 2023.
Shaqaalaha Wasaaradda ayaa abaalmarino kala duwan ku mutaystay waxqabadkooda hawl-karnimada, hoggaaminta, hal-abuurka iyo Wadashaqeynta.
Wasiir Xasan Macallin ayaa aad uga mahadceliyay dadaalka ay muujiyeen shaqaalaha abaalmarinta ku guuleystay, maadaama ay yihiin cududda horseedka u ah guulaha Wasaaraddu ay gaartay, sidoo kale Wasiirka ayaa tilmaamay in abaalmarintan ay gogolxaar u tahay hawlaha baaxadda leh ee sanadka cusub horyaalla shaqaalaha Wasaaradda.
