Shaqaalaha Rayidka ee Wasaaradda ganacsiga iyo warshadaha Xukuumadda Soomaaliya ayaa ka qeyb qaatay wareegga sideed iyo tobanaad ee barnaamijka isxilqaan ee lagu dhisayo xarumaha Danta Guud, kaasi oo qeyb ka ah dadaallada dib loogu dhisayo xarumihii loogu adeegi jiray bulshada.
Qaar ka mid ah shaqaalaha Wasaaradda ganacsiga iyo warshadaha oo ka hadlay muhiimadda barnaamijka Isxilqaan iyo sida ay ugu qeyb qaadanayaan xarumaha danta guud ayaa xusay inay aad ugu faraxsanyihiin in ay buuxiyaan kaltanka Wasaaradda uga soo aaday dib u dhiska xarumaha danta guud, waxaana ay barnaamijka ka fuliyeen xarunta Maktabadda Qaranka.
Agaasimaha guud ee wasaaradda ganacsiga iyo warshadaha dowladda Soomaaliya Cabdi Casiis Ibraahim Aadan ayaa ka hadlay doorka shaqaalaha wasaaradda ganacsiga iyo warshadaha ay ka qaataan Isxilqaan
Wasiiru dowlaha wasaaradda shaqada iyo arrimaha bulshada xukuumadda federaalka Soomalaiya Cabdi Axmed Qaasim ayaa kula dardaarmay shaqaalaha rayidka dowladda Soomaaliya in ay ka qeyb qaataan howlaha dib looga dhisayo dalka
Barnaamijka Isxilqaan ayaa waxaa horey loogu soo dhisay xarumo muhiim ah oo kuwa danta Guud, waxaana socda dadaallo dib loogu soo celinayo bilicdii ay caasimaddu lahayd.
