Siminaarkan oo socday muddo 5 maalin ah ayaa waxaa soo qaban qaabisay wasaaradda arrimaha gudaha iyo federaalka ee xukuumadda Soomaaliya, waxaana looga hadlayay arrimaha Dowladnimada iyo Dimuquraadiyadda.
Siminaarka ayaa waxaa ka faa’iidaystay ilaa 60 qof oo isugu jira Agaasimiyeyaal iyo shaqaalo ka tirsan wasaaradda arrimaha gudaha iyo federaalka, iyadoo xiritaankiisana uu ka qeybgalay wasiirka arrimaha gudaha iyo federaalka ee dowladda Soomaaliya, mudane Cabdullaahi Goodax Barre.
Agaasimaha maamulka iyo shaqaalaha ee wasaaradda arrimaha gudaha iyo federaalka, mudane Nuur Axmed Diiriye iyo wakiilka hay’adda EISA u fadhiya Soomaaliya Hamma ayaa ka hadlay goobta lagu soo xirayay tababarka, isagoo ka sheekeeyay ujeedada tababarka iyo faa’iidada uu u leeyahay ka qeybgalayaasha.
Wasiirka arrimaha gudaha iyo federaalka ee xukuumadda Soomaaliya, Mudane C/laahi Goodax Barre oo soo xiray tababarka ayaa u mahadceliyay hay’adda cashadarada bixinaysay ee EISA iyo ka qeybgalayaasha siminaarka, isagoo xusay in wasaaraddu ay qaban doonto tababarro kuwaan lamid ah
Ugu dambeyn qaar ka mid ah ka qeybgalayaasha siminaarka ayaa soo dhaweeyay casharada la baray, waxaana gabagabada siminaarka la guddoonsiiyay shahaadooyin ka tarjumayay waxyaabaha la baray.
