Wasiirka wasaaradda haweenka iyo xuquuqda aadanaha marwo Sahro Maxamed Cali ayaa sheegtay in wasaaraddu ay waddo qorshe lagu cirib tirayo gudniinka Fircooniga ah ee lagu dhibaateeyo gabadhaha Soomaaliyeed.
Wareysi ay siisay Radio Muqdisho, ayay ku sheegay wasiir Sahro in sanadihii la soo dhaafay horumar laga sameeyay yareynta gudniinka Fircooniga ah, taas oo ka dhalatay wacyigelin badan oo la sameeyay iyo dadaallo kale oo ay sameeyeen hay’adaha dowladda ee u xilsaaran iyo bulshada rayidka ah.
Related posts
Sahro Maxamed Cali, ayaa sheegtay in goobaha ay maamulaan kooxda argagixisada ah ee Al-Shabaab ay wali ka jiraan kiisas la xiriira gudniinkan oo lagu hayo gabdho Soomaaliyeed.
Wasaaradda haweenka iyo xuquuqda aadanaha ayaa qorsheyneysa in dhawaan la horgeeyo baarlamaanka sharci mamnuucaya in gabdhaha lagu sameyeo gudniinka fircooniga ah. sida ay sheegtay wasiirka wasaaradda Sahro Maxamed Cali.
Culimada Soomaaliyeed ayaa ka digay gudniinkan Fircooniga ah oo dhibaato caaafimaad iyo mid maskaxeedba u geysanaya haweenka Soomaaliyeed, ayagoo sheegay in in la jarjaro xubnaha bani’aadamka aysan oggoleyn diinta Islaamku.
