Magaalada Geneva ee dalka Swaziland waxaa maanta oo Isniin ah ka dhacaya shirweyne dhaqaale loogu uruurinayo dalka Afghanistan kadib markii dalkaas ay dhawaan qabsatay kooxda Daalibaan.
Wakaaladda wararka Reuters, ayaa qortay in shirka gaarka u ah dalka Afghanistan lagu aruurin doono in ka badan 600 Milyan oo doolar si wax looga qabto xaaladda dalkaas Afgaanistaan, iyada oo laga digayo qalalaase bani’aadannimo oo halkaas ka dhaca ka dib qabsashadii Daalibaan.
Xitaa ka hor intaan Taliban la wareegin Kaabul Bishii hore, kala bar dadka waddankaas ama 18 milyan oo qof ayaa ku tiirsanaa gargaarka ka imaanaya waddamada deeqaha bixiya, Tiradaas ayaa u muuqata inay sii kordhayso maadama ay weli xaaladda abaarta ka jirto dalkaas iyo in ay yaranayaan dhaqaalaha iyo cunnadda ka imaata dibadda, sida ay sheegtay Qaramada Midoobay iyo kooxaha gargaarka.
Si lama filaan ah ayaa loo joojiyay balaayiin doollar oo deeq ah oo ka imaanayay waddamada shisheeye ah ka dib markii ay burburtay dowladdii Afgaanistaan ee reer Galbeedku taageerayay iyo guushii xigtay ee Taaliban waxay culeys badan saartay barnaamijyadii Qaramada Midoobay.
Maamulka Madaxweynaha Mareykanka Joe Biden ayaa xayiray galaangalkii Daalibaan ay ku lahayd 9.5 bilyan oo doolar oo lagu hayay akoonnada bangiyada Mareykanka ka dib markii kooxda kacdoon wadayaasha ay qabsadeen talada dalka.
