Shir wadatashi ah oo uu soo qabanqaabiyay urur goboleedka IGAD, loogana hadlayo arrimaha socdaalka bulshooyinka dalalka ku mideysan Urur Goboleedka ayaa maanta ka furmay magaalada Muqdisho.
Kulankaan wadatashiga oo socon doona Muddo afar maalmood ah ayaa looga doodayaa Sharciga isu-socodka xorta ah ee ee dadka IGAD, si dalalka xubnaha ka ah Urur Goboleedka IGAD ay isku waafajiyaan siyaasadahooda dhinacyada Ganacsiga,Gaadiidka,isgaarsiinta,beeraha iyo Keyraadka dabiiciga ah iyo in dadku isku gudbaan, waxaana Shirkan ka qeybgalaya Masuuliyiin katirsan Hay’adaha kala duwan ee Dowladda Federaalka ah oo ay kamid yihiin Agaaismaha hay’adda Socdaalka iyo Jinsiyadda ,xoghayaha joogtada ah Wasaaradda Arrimaha Dibadda ,Agaaismaha Guud ee Wasaaradda Amniga Gudaha Soomaliiya ,wakiilo ka socda dowlad goboleedyada,Gobolka Banaadir iyo qeybaha kala duwan ee buulshada iyo mas’uliyiin katirsan QM ,Midowga Africa ,Midowga Yurub iyo Urur Goboleedka IGAD oo iyagu shirka soo qaban qaabiyay.
Safiirka Ethiopia u fadhiya Soomaaliya Ambasador Jamaaludiin Mustafa oo ku hadlayay magaca Xogahayaha Guud ee IGAD ayaa sheegay in shirkan uu daba joogi shirar isla sharcigan looga doodayo oo horay loogu qabtay qaar ka mid ah dalalka EGAD
Agaasimaha Guud ee Hay’adda Socdaalka iyo Jinsiyadda ee dwoladda Federaalka ah ee Soomaaliya G/sare Maxamed Aadan Jimcaale Koofi ayaa xusay in isu socodka dalalka IGAD oo la hagajaiyo ay muhiim u tahay dalalka ka tirsan IGAD, ayna u horseedi karto hormar iyo wadajir.
Xoghayaha joogtada ah ee Wasaaradda Arrimaha Dibadda Somaaliya Cali Maxamed Cali ayaa ka qeybgalayaasha shirka ugu baaqay inay si qota dheer uga doodaan sharciga isu-socodka xorta ah ee dalalka IGAD, iyagoo ka eegaya danta dalka iyo dadka Soomalaiyeed.
Wakiilada ka socday Qm,Midowga Yurub iyo Midowga Africa ayaa bogaadiyay in la sameeyo sharciga isu socdka xorta ah ee dalalka Urur Goboleedka IGAD ,iyagoona sheegay ijn Sharcigaan uu wax badan ka badali doono dhaqaalaha Wadamada ku bahoobay IGAD iyo ilaalinta xuquuqda Qoxootiga maadaama dalalkan ay ku badan yihiin dadka qoxootiga oo isaga gudba Wadamada dariska ah.
