Wasiirka Amniga Gudaha ee Xukuumadda Federaalka Soomaaliya mudane Cabdullaahi Sheekh Ismaaciil (Fartaag) ayaa shir guddoomiyay Shirka Amniga Caasimadda iyo kor u qaadida bilicda Caasimadda Muqdisho.
Shirka waxaa ka soo qeyb galay Guddoomiyaha Gobolka Banaadir ahna Duqa Caasimadda mudane Yuusuf Xuseen Jimcaale (Madaale), Taliyaha Ciidanka Booliiska Soomaaliyeed Sarreeye Guuto Sulub Axmed Firin iyo Taliyaha Hay’adda NISA Cabdullaahi Maxamed Cali (Sanbaloolshe).
Sidoo kale waxaa goobjoog ahaa oo warbixino laga dhageystay Taliyeyaasha Booliiska iyo Nabad-sugidda Gobolka Banaadir, Guddoomiyeyaasha Dagmooyinka Gobalka Banaadir, Saraakiisha fadhiyada madaxa banaan, Taliyaasha Qeybaha Booliska iyo Nabad-sugidda iyo Taliyaasha Saldhigyada Gobolka Banaadir.
Ujeedka shirka ayaa ahaa daadajinta amniga Caasimadda iyo nawaaxigeeda iyo sidii loo bilaabi lahaa islaxisaabtan dhab ah oo la xiriira amniga guud ee Caasimadda iyo nawaaxigeeda.
