Madaxweynaha Dawladda goboleedka Puntland Dr.Cabdiweli Maxamed Cali Gaas ayaa maanta oo ay taariikhdu tahay 27-1-2015 ku daah furay magaalada Garoowe ee Caasimadda maamulka Puntland Shirweyne Looga Hadlayey Barnaamijka Hiigsiga Cusub (New Deal) ee Horumarinta Kaabayaasha DHaqaalaha.
Shirweynaha ayaa waxaa kasoo qayb galay Wakiillo Ka kala socda Dhammaan Maamullada Kajira Dalka Soomaaliya,Xubno Ka socdey Deeq bixiyayaasha Caalemiga ah,iyo Hay’adaha Ka hawl-gala guud ahaanba dalka Soomaaliya.
Madaxweynaha Dawladda goboleedka Soomaaliyeed ee Puntland Dr Abdiweli Mohamed Ali Gaaas ayaa Khudbad ka jeediyey Madasha Shirka isagoona tilmaamay sida uu ugu faraxsanyahay Shiweynahan heerka Qaran ee lagu qabtay Caasiadda Puntland ee Garoowe uuna Rajeynayo inuu yahay Barnaamij wax badan kabedeli doona guud ahaanba dalka Soomaaliya
“Aad baan ugu faraxsanahay maanta inaan isugu wada nimaadno Barnaamijkan muhiimadda inoo wada leh dhammaanteen haddaan Soomaali nahay,waa barnaamij aan rajeynayo inuu noqdo mid wax badan katari dib udhiska soomaaliya,soo noolaynta soomaaliya, helitaanka Soomaali mid ah,Soomaali ka baxda dhibkii dhowr iyo labaanka sano aan kujirney,Soomaali u socota meel wanaagsan gaadhsiisana Soomaaliya meeshii ay istaahisho ayna ka qaaddo meesha ay hadda joogto”ayu yidhi Madaxwene Gaas.
Madaxweynaha maamulka Puntland Dr Gaas ayaa Sheegey in muddadii uu adduunku gaadhey horumarka ballaadhan ee Soomaaliya kamaqani ay tahay labaatankii sanno ee Soomaliya ay kujirtey burka iyo dawladd la’aanta, sidookale waxaa tilmaamay Madaxweyne Gaas horumarinta kaabayaasha dhaqaaluhu ay ka Puntland ahaa muhimad gaar ah u leedahay.
