Shir looga hadlayo saamaynta ka dhalatay Abaaraha iyo sidii qorshe dib u kabasho ah loo samayn lahaa ayaa maanta lagu qabtay magaalada Garoowe ee xarunta dawlad Goboleedka Puntland.
Daarasada la soo bandigay waxaa ay qeexaysaa dhibaatada ka dhalatay abaarahii ka dhacay dalka, waxybaaha ugu badan ee keena abaaraha, sida looga gaashaman karo iyo hanaanka loo kobcin karo ilaha dhaqaalaha Puntland iyo guud ahaa dalka oo dhan, iyadoo diiradda la saarayo isla qaadashada natiijada daraasaddan.
Agaasime Guud ee Wasaaradda Qorsheynta Puntland Xuseen Cabdi Jaamac oo daraasadda si qota dheer uga hadlay qeybta quseeyso Puntland, waxaana uu tilmaay sida wanaagsan ee ay dowladda uga go’antahay wax ka qabashada abaaraha oo si cilmiyeesan loo darsayo.
Cabdiqaadir Aadan Maxamed Agaasimaha Guud ee Wasaaradda Qorsheynta Dowladda Federaalka Soomaaliya ayaa si kooban sharxaad ugu baxiyay ujeedka kulankan iyo marxaladihii laga soo maray samaynta daraasaddan.
