Shir looga hadlayay hagaajinta adeegga garsoorka dalka ayaa maanta lagu qabtay Muqdisho.
Shirkan oo bishii mar la qabto islamarkaana looga hadlo xoojinta adeegga Garsoorka dalka ayaa waxaa ka qeyb galay Guddoomiyaha Maxkamadda Sare ee Dalka Xeer ilaaliyaha Guud ee Qaranka. Gudoomiyaha Gobalka Banaadir ahna Duqa Magaalada Muqdisho Saraakisha Ciidamada Qalabka sida iyo mas’uuliyiin kale.
Shirka oo ka dhacay Aqalka Dowladda Hoose ee Xamar ayaa inta uu socday waxey mas’uuliyiinta aad uga doodeen sidii loo ballaarin lahaa Adeegga Garsoorka islamarkaana looga gudbin lahaay caqabadaha hortaagan garsoorka dalka xili uu Dalka kasoo kabsanaayo bur bur dhowr iyo labaatan sana ah.
Xeer Ilaaliyaha Guud ee Qaranka Mudane Axmed Cali Daahir ayaa kulanka kaddib warbaahinta Qaranka u sheegay in ajandayaashi shirka looga hadlay ay ahaayeen kuwo ku muhiim ah oo la xiriiray xoojinta iyo ballaarinta garsoorka dalka.
“Shirkan waa mid billa ah waxaana looga hadlaa xoojinta iyo baahinta adeegga garsoorka iyo in degmooyinka dalka laga hir galiyo xafiisyo ay dadka Soomaliyeed ka helaan adeegga garsoorka waxaana kulanka shir guddoominaayay Guddoomiyaha Maxkamadda sare ee Dalka “ ayuu yiri Axmed Cali Daahir Xeer Ilaaliyaha Guud ee Qaranka.
Shirkan ayaa noqonaaya markii Afaraad oo la qabto, waana shir billa ah oo bishii mar la qabto. kaasoo looga hadlo kor u qaadista Adeegga Garsoorka dalka si loo xoojiyo Sharciga iyo Dowladnimada.
