Guddoomiyaha Hay’adda Maareynta Musiiboyinka Qaranka Maxamuud Macallin Cabdulle ayaa maanta Guddoomiyey shir gaar ah oo looga hadlayey xalaadaha beni’aadannimo ee ka jira degaannada dowlad goboleedka Jubbaland.
Kulankaan waxaa goobjoog ka ahaa Wasiir ku xigeenka Wasaaradda gargaarka Jubbaland Maxamed Cusmaan Jaamac, Agaasimaha Guud ee Wasaaradda iyo masuuliyiin kale, waxaana si gaar ah looga hadlay.
1- Ka hortagga leexsashada gargaarka beni’aadannimo.
2- In hay’adda SoDMA xoojiso xiriirka hay’addaha ka shaqeeya xalaadaha deg-deg ah ee goobaha la xooreeyay iyo Wasaaradda gargaarka Jubbaland.
3- in xal-waara loo helo dadka barakacyaasha ah.
4- in SoDMA Wasaaradda Gargaarka Jubbaland ka gacan-siiso sidii ay uga shaqeeyn laheed waajibaadka ka saaran howlaha beni’aadannimo.
