Shirka wadatashiga hay’adaha dastuurka heer federal iyo heer dowlad goboleed ee soo gabagabeynta dib u eegista farsamo ee dastuurka ayaa maalintii labaad ka socda magaalada Muqdisho.
Shirka ayaa maanta waxaa lagu soo bandhigi doonaa arrimaha u baahan wada xaajoodyada siyaasadeed.
Wasiirka Dastuurka Xukuumadda Federaalka Soomaaliya mudane Saalax Ahmed Jaamac ayaa sheegay in howl culus ay hortaalo, isagoo xusay in sababaha dastuurku u dhameystirmi la’yahay ay tahay wada xaajood siyaasadeed oo aan jirin.
Wasiirka ayaa hay’adaha dastuurka heer federaal iyo heer dowlad goboleed kula dardaarmay in laga dhabeeyo dib u eegista dastuurka oo uu sheegay in ay u baahantahay shaqo adag.
