Golaha Wasiirada ee Xukuumada Federaalka Soomaaliya ayaa maanta isugu yimid kulankoodii khamiis laha’ahaa ayaa looga hadlay dagaalkii ka dhacay degmada Caabud-waaq ee gobolka Gal-Gaduud ee u dhexeeya maamul goboleedka Soomaaliyeed ee Galmudug iyo ururka Sufa, iyo lacago been abuur ah oo dhawaan soo galay qeybo ka mid ah suuqyada dalka.
Kulanka golaha wasiirada oo uu shir guddoominayay wasiirka cadaalada ee xukuumada Soomaaliya Mudane Cabdulaahi Axmed Jaamac Ilka Jiir ayaa ugu horeyn, waxaa uu tacsi u diray dadkii ku geeriyooday eheladooda halkaasi, kuwa dhaawaca ahna u rajeeyey caafimaad qab deg deg ah, iyagoona ka soo saaray go’aano Dagaalkaasi oo ay wadaan Kooxda Sufa.
Xubnaha golaha wasiirada ee xukuumadda Soomaaliya ayaa go’aan ka soo saaray lacago been abuur ah oo qaar ka mid ah suuqyadda dalka soo gashay, waxaana ay uga digeen cid kasta oo ku howlan lacagahaasi in ay ka waantoobaan, waxaana Golaha Wasiirada ay aad u gorfeeyaan Lacago Shilin soomaali Ah uu dalka yeesho iyagoo isla gartay qorsha ah in Wasaaradda Maaliyada iyo Bankiga dhexe uu howlan sidii dalka uu u yeelan lahaa lacaga Shilin Soomaali ah oo muhiimad gaar ah ugu fadhiya bulshada Soomaaliyeed.
Dowladii KMG ee uu hogaaminayey Allaha u naxariistee Cabdulaahi Yuusuf Axmed Madaxweynihii hore ee Soomaaliya ayaa horey ula wareegay makiinado ay ganacsato ku doonayeen in ay dalka ugu faafiyaan lagaco been abuur ah oo ay soo saareen, talaabadaasi mid la mid ahna waxaa looga fadhiyaa dowladda Federaalka Soomaaliya si looga bad-baadiyo dalkeena lacagaasi been abuurka ah ee qaybo ka mid ah suuqyada dalka la soo galiyey xiligani.
