Shirkan oo sadaxdii biloodba mar ay qabato Wasaaradda Caafimaadka Galmudug ayaa looga hadlaa isku xirka iyo qiimeynta xaaladaha adeegyada Caafimaadka Deegaanada Galmudug, qiimeynta waxii qabsoomay sadaxdii bilood ee lasoo dhaafe,. Xaaladaha soo kordhey iyo nidaamka gaarsiinta Talaalka ee deegaanada Galmudug oo qayb ka ah qodobada looga hadlayo Shirkan maanta u furmay Mas’uuliyiinta Wasaaradda iyo hey’addaha taageera howlaha Caafimaadka.
Shirkan oo Dhuusamareeb uu si rasmi ah uga furay Wasiirka Caafimaadka ayaa waxaa ugu horeyn ka waramey faa’iidooyinka laga dhaxley joogteyntiisa ka waramey Agaasimaha Guud ee Wasaaradda Caafimaadka Galmudug Dr. Cabdiwali Maxamed Axmed.
Wasiirka Caafimaadka Galmudug Dr. Cabdiwali Cabdulaahi Jaamac oo shirkan si rasmi ah u furay ayaa howl wadeenada Wasaradda kaga mahad celiyay joogteynta shirkan isagoo ku amaaney Wasaraddaha shaqo wadaaga la ah bahda Caafimaadka kaalinta ay shirkan ka qaateen.
