Wasaaradda Arrimaha Gudaha, Federaalka iyo Dib u heshiisiinta Xukuumadda Federaalka Soomaaliya oo kaashaneysa Heyโadda Qaxootiga Qaranka, ayaa Muqdisho kusoo bandhigtay Ballanqaadyada dowladda ee ku aaddan Qaxootiga iyo Barakacayaasha.
Wasiirka Arrimaha Gudaha, Federaalka iyo Dib u heshiisiinta mudane Ahmed Moallim Fiqi oo khudbad kooban kajeediyay madasha, ayaa waxaa uu sheegay in arrintan ay ka qeyb ka tahay ka goโnaanshiyaha dowladda ee xal u helidda baraka isaga oo yiri โBallanqaadyadani waxaa ay ka tarjumayaan ka goโnaanshiyaha dowladda ee xal fog in loo helo arrimaha barakaca baahsan ee ay sababtay isbadalka cimiladaโ.
Related posts
Dhanka kale mudane Fiqi waxaa uu xusay in isbadalka cimilada ee dalka ka jira ay sababtay xaalad baniiโaadnimo, sidoo kale ay halis ku tahay amniga qranka, yoolka SDG, ayna dhimeyso dagaalka lagula jiro argigixisada โWaddankeenu waa mid aad ugu nugul isbadalka cimilada, duufaanka El Niรฑo oo geysanaysa dhibaato naf iyo maal ah taas oo sii kordhineysa barakaca baahsan oo markii horeba aan la daalaadhaceynay, iyada oo 3 milyan ay barakac ahaayeen ay hadda El Niรฑo ku biirisay hal milyan oo kale, weliba khatarta ay sii socotoโ.
Ugu dambeyntii, Wasiirka Arrimaha Gudaha ee Soomaaliya mudane Axmed Macallim Fiqi waxaa uu carabta ku dhuftay in ballanqaadyadani ay Soomaaliya horgeyn doonto shirar caalami ah โBallanqaadyadaan waxaa aan la tagi doonnaa shirka caalamiga ah ee cimilada ee COP28, si gaar ah maalinta biniโaadanimada ee 3-da Dec, Sidoo kale waxaan ka qeyb-galaynaa isla markaana shir guddoomin donnaa shirka arrimaha qaxootiga ee GRF, taas oo ku muujinayno kaalinta Soomaaliya ee ka jawaabista adduunka ee qaxootiga, iyo sida dowladda Soomalaiya ula falgaleyso shuruucda caalamiga ah ee qaxootida iyo xuquuqda aadanaha.
Soomaaliya waxa ay masโuuliyadda la qeybsanaysaa waddamada gobolka ee IGAD, kuwaas oo martigaliya qaxooti Somaaliyeed, sidoo kale, annga waxaan rabnaa in IGAD iyo adduun weynaha nala qeyb-sadaan masโuuliyadda barakaca, iyo martagalinteenna qaxootiga waddamada dariska ah.
Soomaaliya oo geynaysa ballanqaadyadaan shirka arrimaha qaxootiga adduunka waxa ay sidoo kale ka dhigan tahay masโuuliyadda dowladda Soomalaiya ee adduunka iyo in Soomaaliya loo muujiyo isbagarab istaag maadaama ay la tacaalayso barakac gudaha ah iyo martigalinta qaxootiga waddamada dariska nooga yimaadaโ.
