Shirka Madasha wada-tashiga Qaranka oo ay ka qeyb galayaan dowladda Dhexe iyo Dowladaha gobollada ayaa maanta ka furmay magaalada Muqdisho.
Madaxweynaha Soomaaliya mudane Xasan Sheekh Maxamuud ayaa furay shirkaan oo looga hadlayo arrimo ay ku jirto hannaanka doorasho ee sanadka 2016-ka.
Dowlad-goboleedyada dalka madaxdooda ayaa ka qeyb galaya shirkaan, oo lagu soo bandhigi doono natiijada kulamo wadatashi ah oo gobollada dalka ka dhacay bilihii la soo dhaaday, taas oo ay shacabku ku soo gudbiyeen aragtidooda ku aaddan hannaanka doorasho lagu geli karo sanadka 2016-ka.
Wixii warar ah ee ku soo kordha waan idin soo gudbin doonnaa hadduu Alle idmo.
