Shirka Madasha wada tashiga Qaran ee hanaanka doorashooyinka sanadka 2016-ka ayaa maanta ka furmaya magaalada Muqdisho, kaas oo ay ka qeyb galayaan madaxda dowladda Federaalka ah ee Soomaaliya, xubno ka tirsan baarlamaanka Federaalka ah, maamul goboleedyada, , beesha Caalamka iyo ururada bulshada.
Shirkan oo socon doona muddo labo cisho ah ayaa ujeedadiisa tahay sidii looga tashan lahaa hanaanka doorasho ee marka la gaaro sanadka 2016, maadaama kal hore ay dowladda shaacisay inaysan dhici karin doorasho qof iyo cod ah.
Ujeedada shirka ayaa ah sidii looga tashan lahaa hiigsiga sanadka 2016, iyadoo Madaxweyaha dowladda Federaalka ah ee Soomaaliya Mudane Xasan Sheekh Maxamuud iyo xubnaha kale ay shirka ka jeedin doonaan hanaanka loo marayo doorashada 2016-ka.
