Shirka wadatashiga ah ee shalay ka furmay magaalada Muqdisho ayaa lagu wadaa in maanta si rasmi ah loo soo gebagebeeyo, iyadoo la filayo in laga soo saaro war-murtiyeed.
Masโuuliyiintii shalay ka hadashay shirka madasha wadatashiga ayaa muujisay sida ay ula dhacsanyihiin in in madaxda Soomaalidu ay ka tashadaan aayaha dalkooda iyo habka doorashooyinka sanadka 2016-ka.
Madashan ayaa lagu sameeyey heshiis ay bishii hore wada gaareen madaxda dawladda federaalka iyo maamul goboleedyada ka jira dalka, waxaana kulankani ka qayb galaya madaxda dowladda federaalka, kuwa maamul goboleedyada, ย Wasiirro, Xildhibaanno, beesha Caalamka iyo Ururada Bulshada rayidka.
Hannaanka wadatashiga oo ay dusha ka maamuleyso Madasha Wadatashiga Qaranka ayaa ka koobnaan doona wadatashiyo heerar kala duwan leh oo dhacaya bilaha October iyo November, waxaana barbar soconaya doodo ay yeelanayaan bulshada rayidka iyo hawlo dhinaca xiriirka iyo isgaarsiinta oo heer Qaran ah.
