Kulankaan Deg Dega ah Ee Caawa ay Yeesheen Golaha Wasiirada Xukuumada Soomaaliya oo uu Shir gudoominayay Madaxweynaha Jamhuuriyada Federaalka ah Ee Soomaaliya Mudane Xasan Sheikh Maxamuud ayaa waxaa looga Hadlay Qaraxyadii Argagixiso Ee Maanta Kooxda Al shabaab ay ka geysatay Hotelka Central Ee Magaalada Muqdisho Halkaa oo ay ku geeriyoodeen Dad badan oo shacab iyo Mas,uuliyiin isugu jira oo aan waxba galabsan kuwaa oo lalaayay iyaga oo tukanaya Salaada Jumcada.
kulna oo ahaa mid al baabadu u xiranyihiin oo ay Saxafadu banaanka ka joogtay ayaa waxaa uu qaatay Dhowr Saacadood ayaa waxaa ugu horeyn loo istaagay daqiiqado loona duceeyay Dadkii Muslimiinta ahaa ee Qaraxyadaasi ku dhintay iyadoo kuwa dhaawac ahna alaah looga baryay in uu Caafimaad Deg deg ah siiyo waxaana shirkaas diirada lagu saaray xoojinta amaanka Caasimada iyo sidoo kale sidii Cadaalada loo horkeeni lahaa Dadkii Falkaas ka mas,uulka ahaa.
Markii uu soo dhamaaday kulankaasi ayaa waxaa warbaahinta la hadlay Wasiirka Amniga Gudaha Soomaaliya Mudane Cabdi Risaaq Cumar Maxamed oo Faah Faahiyay Go,aanada ka soo baxay kulanka isagoo sheegay in Dhaawacyo Fudu ay soo Gaareen ku simaha Ra,iisul wasaaraha Dalka iyo labo wasiir oo Xukuumada ka tirsan.
