Shirkii guddoonka golaha shacabka iyo kuwa dowlad goboleedyada oo maanta la soo gabagabeeynayo

Guddoomiyaha Golaha Shacabka Baarlamaanka Federaalka Soomaaliya Maxamed Sheekh Cismaan “Jawaari” ayaa lagu wadaa in shirka Guddoonka Golaha Shacabka iyo kuwa Dowladda Goboleedyadda uu maanta kusoo xiro magaalada Baydhabo..

Guddoomiye Jawaari ayaa furitaanki shirka ka sheegay in kulamada noocaan ah lagu horumarin karo wada shaqeynta iyo Iskaashiga Dowladda dhexe iyo dowlad goboleedyada isagoo tilmaamay in loo baahan yahay in dowlada goboleedyada laga qeyb geliyo sameynta shuruucda dalka.

Guddoonnada Golayaasha sharci dejinta ee Dowlad Goboleedayada ee shirka ka qeyb galaya ayaa dhankooda ka hadlay ayaa sheegay in shirkan uu muhiimad gaar ah u leeyahay maamul goboleedyada.

Shirka oo Talaadadi la soo dhaafay ka furmay Baydhabo ayaa la qorsheynayaa in maanta la soo gabagabeeyo waxaana la filayaa in si wadajir ah looga soo saaro warmurtiyadeed quseeya sidii ay wada shaqeyn u dhexmari lahayd Guddonka Golaha shacabka Dowladda dhexe iyo kuwa maamul Goboleedyada.