Kulan looga hadlayay maaraynta deeqaha Dowladda Soomaaliya caalamka ay ka hesho islamarkaana uu soo qaban qaabiyay xafiiska xiriirka deeqaha Soomaaliya ayaa lagu qabtay magaalada muqdisho.
Madaxa hay’adda Xiriirka deeqaale Goboleedka Puntland Maxamad Xasan barre oo kulanka ka hadlay ayaa uga mahadceliyay kulanka lagu casuumay’islamarkaana ay xoojinayaan xiriirka ka dhexeeya dowladda dhexe iyo maamuka Puntla.
Wasiirka Qorsheynta iyo Iskaashiga caalamiga Mudane Cabdiraxmaan Yuusuf Cali Ceynte oo ka hadlay kulanka ayaa tilmaamay in Wasaaraddu ay wada tashiyo la yeelan doonto Maamul goboleedyada, si loo dajiyo qorshe mideynsa oo heer qaran ah.
Wasiirka Maaliyadda ee xukuumadda Soomaaliya Mudane Maxamed Aadan Ibraahim Fargeeti oo isna kulankan ka Hadley ayaa shaaca ka qaaday in dalka uu soo maray marxalado kala duwan, loona baahanyahay in si wada jir ah looga wada shaqeeyo sidii looga gudbi lahaa dhibaatooyinkii horey u dhacay.
