Abuukar Isaaq Axmed Waa Wiil yar oo Lix Bilood jira, isla markaana ku sugan Kaamka barakacayaasha ee Deegaanka Sarkuusta duleedka magaalada Muqdisho, kaas oo xubinta taranka ka Xanuunsanaya kaddib markii ay dilaacday qeybta kaadi heysta, Wasiir Mustafa Sheekh Cali Dhuxulow, ayaana ku booqdey halkaasi, isagoo soo eegeyay xaaladda uu ku suganyahay, si uu waalidiintiisa ula wadaago dhibka wiilkooda haysta.
Wasiirka Warfaafinta, ayaa xiriir la soo sameeyey Dr.Cismaan Maxamuud Dufle si loo Qiimeeyo halka uu gaarsiisan yahay xanuunka Abuurka yare, Wasiirka ayaa sidoo kale Xarunta Takhsusiga ee Dr Dufle ku ballamiyey waalidiinta iyo gabdho laba ah oo iyagauna uu hayo Xanuunka ku dhaca maqaarka, waxaana dhammaan dhibaneyaashaasi uu isugu geeyey Xarunta Dr Dufle ee Magalada Muqdisho.
Markii uu xarunta Caafmaadka la keenay bukaannada, ayaa waxa uu markiiba Dr Cismaan Maxamuud Dufle baaritaan ku sameeyey Abuukar Isaaq Axmed oo lix Bilood jira, waxa uu saaray Computer si xaaladdiisa uu wax uga ogaado.
Sidoo kale Dhaqtarka ayaa qiimeeyey xanuunka haya laba gabdhood oo walaala ah, isla markaana ku dhashay xanuunka, kuwaas oo kala ah Sacdiyo Cismaan Cali oo 13 jira ah iyo Nimco Cismaan Cali oo 11 Jir, una baahan gurmad caafmaad oo deg deg ah.
Dr. Cimsaan Maxamuud Maxamed Dufle, ayaa War-bixin ka siiyay xaaladda ay ku sugan yihiin bukaannada sadexda ah Siihayaha Wasiirka Warfaafinta iyo Hannuuninta Dadweynaya iyo sida wax loogu qaban karo xanuunkooda, isagoo wasiirka u sheegay in ay u baahan yihiin gurmad caafmaad oo dibedda ah, bulshada Soomaaliyeedna ay waajjib ku tahay in arrintaan ay ka qeyb-qaataan.
Wasiirka Warfaafinta iyo Hannuuninta Dadweynaya Mustaf Sheekh Cali Dhuxulow, ayaa Bulshada Soomaaliyeed ee gudaha dalka iyo dibedda ku sugan ugu baaqay in ay gacan ka geystaan sidii loo badbaadin lahaa Carruurtan dhibaateysan oo u baahan Caafmaad dibedda ah, isagoo intaa raaciyey in ay diyaar u yihiin wasaarad ahaan in Bulshada loo bandhiyo macluumaadka Arrintaan.
Carruurtan dhibaneyaashaa oo ay dadkooda yihiin kuwa dar yar ah, ayaa u baahan in loo helo gurmad caafimaad si Carruurtoodu u helaan caafimaad iyagoo u baahan iskaashiga dadka Soomaaliyeed oo ah Caafimaad dibedda ah, wasaaradda Warfaafinta ayaa diyaar u ah in ay hagto xiriirka Bulshada Soomaaliyeed iyo Caruurtaan dhibaateysan oo sameyneysa isku xirkooda.
/>Sawir:-Qaade Qadar Cali Nuur
