Siminaarkan oo socday muddo afar cisho ah ayaa inta uu socday waxa uu ku saabsana wadatashi iyo sharuucda la xiriirta xuquuuqda carruurta iyo tayaynta hay’adaha cadaaladda, iyadoo ay ka qeyb galeen xubno ka kala socday Wasaaradaha Difaaca, Amniga gudaha, Xafiiska Xeer Ilaalinta Qaranka, taliska ciidamada qalabka sida iyo ururrada bulshada.
Ka qeyb galayaasha ayaa si wada jir ah u beeniyay wararka been abuurka ah oo ay faafinayaan hay’ado qaar ah oo tilmaamay in carruur la askareeyo, waxaana ay ku baaqeen in laga waantoobo wararka lagu waxyeeleynayo sumcadda hay’adaha dowladda.
Qaar ka mid ah dadkii gabo gabada siminaarka ka hadlay ayaa Wasaaradda Cadaaladda uga Mahadceliyay qabsoomidda siminaarka, looga hadlayay sharciyada la xiriira xuquuqda carruurta iyo daryeelkooda.
Xoghayaha joogtada Wasaradda Cadlaada Dr Ismaacli Jimcaale ayaa tilmayay in dowladda Soomaaliya ay ka go’antahay daryeelka carruurta Soomaaliyeed iyo ka warqabkooda, isla markaana ay joogteyn doonaan qabashada siminaarada nuucaani oo kale ah.
Sawir Qaade:- Farxaan Suleymaan Daahir
