Aqoon yahano Soomaali ah oo Kaashanaya Wasaarada Horumarinta Adeega Bulshada Bulshada ee Dowlada South Africa ayaa 80 ruux oo ka kala socday Ururada ka Shaqeeya Arimaha Bulshada ayaa magaalada Cape Town ugu Qabteen Siminaar Soconaya Mudo Saddax Maalin ah.
Siminaarkan oo soconaya Mudo Saddax Maalin ah ayaa waxaa lagu baranayaa Casharo muhim ah oo la siinayo in ka badan 80 ruux oo ka kala socday Ururada yaryar ee ka shaqeeya Arimaha Bulshada iyo Xaquuqda Caruurta Iyo Dadka Waayeelada ah waxaana Siminaarkaan Qabashadiisa iska Kaashaday Hey’ada Bottom-up Sustainable Development Approach oo ” BUSDEA” oo ah Hey’ad ay madax ka yihiin aqoon yahano soomaaliyeed iyo wasaarada horumarinta arimaha bulshada ee dalka kooNfur Africa.
Maxamed Raage oo ah aqoon yahan Soomaaliyeed oo oa tirsan hey’ada BUSDEA isla markaana dowlada hoose ee magaalada cape Town ka Shaqeeya Arimo badan oo casharada bixinayay ayaa sheegay in siminaarkan uu wax badan ka faa’ideyaan dhammaan dadkii ka qeybgalay.
Mahad Cumar Cabdi oo Gudoomiyaha Hey’ada BUSDEA oo Warbaahinta Kula Hadlay Banaanka Kore ee Xarunta Wasaarada Horumarinta Adeega Bulshada Xafiiskeeda Deegaanka Khaliija ayaa sheegay in siminaarkaan laga lahaa Muujiyo in Soomaalida South Africa ay yihiin dad dhan walba ka muuqan kara oo leh aqoon yahano wax badan kala shaqeyn kara bulshada South Africa.
Waa Markii u Horeysay oo siminaaro noocaani ay qabtaan aqoon yahano Soomaali ah oo xirfadooda iyo aqoontooda wax uga faa’ideynaya ururada yar yar ee ka shaqeeya arimaha bulshada waxaana siminaarkaan uu qeyb ka noqonayaa dadaalada ay aqoon yahanada iyo ganacsatada Soomaalida ugu Jiraan In ay Wax ka badalaan Marxalada ay Ku nool yihiin Soomaalida Ku nool dalka Koonfur Africa iyo Sido kale is Dhexgalka bulshada.
W/D: C/laahi Qorshe
