Waxgarad iyo Siyaasiyiin ka socda woqooyiga gobolka Mudug oo ku sugan degmada Cadaado ayaa sheegay in ay ka qayb galayaan shirka maamulka loogu samaynayo gobollada Mudug iyo Gal-gaduud.
Xubnahan oo isugu jira Aqoonyahano iyo siyaasiyiin ka yimid magaalada Gaalkacyo maalmahana ku sugnaa degmada Cadaado ee gobolka galgaduud ayaa shirkooda jaraa’id waxa ay ku sheegeen in deegaanada ay ka yimaadeen ee woqooyiga Mudug ay ka soo qayb galayaan shirka Cadaado lagu qabanayo ee gobolada Gal-gaduud iyo Mudug maamulka loogu yagleelayo.
Suldaan C/Casiis Cumar Daadbeyle oo ugu horayn shirkaas Jaraa’id ka hadlay ayaa sheegay in Bulshada Mudug iyo Gal-gaduud ay hortaal fursad ay go’aan kaga gaari karaan mustaqbalkooda, si ay horumar u higsadaana loo baahanyahay inay midoobaan.
C/wali Muuse Shire oo xildhibaan ka soo noqday maamulkaPuntland ayaa sheegay in ay degmada Cadaado ay u yimaadeen inay horseed ugu noqdaan Ergada woqooyiga Mudug
