Sida uu qoray Wargeyska Alyoom ee ka soo baxa magaaada Qaahira, waxaa ciidamada ammaanka waddanka Masar ay gacanta ku dhigeen 11 qof oo Soomaali ah, kuwaasoo doonaya in ay u tahriibaan waddanka Talyaaniga.
Soomaalida tahriibka ah ayaa lagu qabtay magaalada Luxor ee dalka Masar waxaana ay la socdeen Tareen iyaga iyo 10 Itoobiyaan ah.
Ma ahan markii ugu horreysay oo tahriibayaal Soomaali ah lagu qabto waddanka Masar oo Arbacadii horre ayaa 72 Soomaali ah lagu qabtay xeebaha waddanka Masar sidda ay baahiyeen warbaahinta waddankaas.
Waddanka Masar ayaa waayahan dambe waxaa uu noqday meelo ay ka baxayaan tahriibayaasha Afrika ka immaanaysa gaar ahaan kuwa ka soo jeeda waddamada Sudanese, Soomaali, Eritrea, iyo Itoobiyaan.
Si kastaba, afhayeen u hadlay ciidamada Masar ayaa sheegay 2,215 qof oo muhaajiriin ah in la qabtay illaa bishii September, waxaana lagu qabtay magaalooyinka ku teedsaan badda Mediterraneanka iyo xuduudda u dhaxeysa Masar iyo Liibiya.
