Soomaalida Gobolka Minnesota ee dalka Mareykanka ayaa isugu soo baxay afaafka hore ee Aqalka looga arimiyo Gobolka iyagoo halkaas Shir Saxaafadeed & banaanbax ay uga soo horjeedaan Muuqaal dhawaan ay shaacisay warbaahinta laga leeyahay dalka ee lagu magacaabo FoxNews qaybteeda MN iyo walibe hindise sharciyeed lagu xakameenayo ganacsatada Soomaaliyeed in ay lacago u diraan qoysaskooda, iyagoo sheegay in ay ka xumaadeen been abuur TV-gaasi ka sheegay qaabka ay u shaqeeyaan Xawilaadaha Soomaalida.
Warbaahintaaas lagu magaacabo FOX news ayaa dhawaanku eedaysay Soomaalida Minnesota inay xadaan lacagaha dowladdu ay ku taageerto Xarumaha Caruurta lagu hayo ee ay leeyhiin Soomaalidu,
Boqolaal kun oo lacag ahna ay u diraan kooxo argagaxiso ah Xawilaaduhuna lacagtaas oo cadaan ah ay dalka ka saaraan.
Dadkii dibadbaxaayey ayaa arimahaas ku tilmaamay kuwo aan waxba ka jirin, waxayna wateen boorar ay ku qornaayeen sida ay uga xun yihiin, waxayna ku sheegeen in arimahaas ay asal ahaan tahay Muslim nacaybka lagu hayo dadka ku nool Maraykanka ee Muslimiinta ah.
Madaxda banaanbaxayaasha soo qabanqaabiyey kulankaan oo la hadlaayey dadwaynahaa ayaa u sheegay in weerarka Idaacada Ama TV -ga FOX 9 ay gadaal ka xiirayaan siyaasiyiin ka tirsan xisbiga jamhuuriga , waxayna qaarkood sheegayeen in dadka Soomaalida ah toos loo soo abaarayo oo la doonayo in magacooda lagu xumeeyo waa siday hadalka u dhigayeene.
Dibadbaxayaashani waxay ay isku dayeen inay la kulmaan Gudoomiyaha gobolka Minnesota Mark Dayton lakiin uma ay suuroobin waxaa loo sheegay inuu safar ku maqan yahay intaa kadib waxaa la kulantay haweenay ka mida la taliyaashiisa una sheegtay in aysan arag wax sharci hindiseed ah oo ku saabsan arimaha ay ka cabanayaan.
Abdihakim Abdi ismail.
Minnesta Maretkanka.
