Wasiirka Ganacsiga iyo Warshadaha Soomaaliya iyo Wasiirka Maalgashiga iyo Iskaashiga caalamiga Masar ayaa kala saxiixday heshiis ku saabsan sidii loo xoojin lahaa xiriirka maalgashi ee u dhexeeya labada Dal.
Shirkan oo ka dhacay magaalada Qaahira ee caasimadda Dalka Masar, ayaa dhanka Soomaaliya waxa u saxeeyay Wasiirka Ganacsiga, Dr; Cabdullaahi Cali, halka Masarna uu u saxiixday Wasiirka maalgashiga iyo iskaashiga caalamiga ah, Haweeneyda lagu magacaabo, Saxar Nasar.
Related posts
Sidoo kale waxa laga wada hadlay sidii loo samayn lahaa mashaariic wada jira oo ka dhaxeeysa labada Dal sida Dawooyinka qalabka dhismaha, wax soo saarka Beeraha iyo Xoolaha.
Wasiirka maalgashiga Dalka Masar ayaa sheegtay in labada Dal ay sameynayaan iskaashi dhaqaale, lana magacaabayo Guddi dhaqaale oo isku dhaf ah, kana kooban Wasiirro iyo Ganacsato, si kor loogu qaado maalgashiga iyo xiriirka ganacsiga ee ka dhexeeya labada Waddan.
Wasaaradda Ganacsiga Soomaaliya ayaa sheegtay in Dowladda Masar ay dedaal badan ku bixineyso sidii loo adkayn lahaa xiriirka dhaqaale iyo kan maalgashi ee kala dhexeeya Soomaaliya
Waxanay intaa ku dartay in xukuumadda Masar iyo ganacsatadeeduba ay diyaar u yihiin in ay uga faa’iideeyaan khirbradda wax soo saarka iyo wershadaha Dadka soomaaliyeed
Sidoo kale Wasaaraddu waxay ugu baaqday ganacsatada labada Dal in ay sii xoojiyaan arrimaha maalgashiga iyo ganacsiga ee ka dhaxeeya labadan Waddan ee walaalaha ah.
