Wasiirka Qorsheynta iyo Maalgashiga caalamiga ah ee Xukuumadda Fedaraalka Soomaaliya mudane Maxamuud Cabdiraxmaan (Beene beene), ayaa maanta heshiis ku saabsan iskaashiga dhanka Maalgashiga la saxiixday Wasiirka Maalgashiga iyo Iskaashiga Caalamiga ee Jamhuuriyadda Suudaan, Ahlam Madani Mahdi oo shalay soo gaartay Magaalada Muqdisho.
Wasiirka Qorsheynta, Maalgashiga iyo Horumarinta Dhaqaalaha Xukuumada Federaalka Soomaaliya, ayaa maanta daahfuray Madasha Maalgashiga Soomaaliya iyo Suudaan oo muddo labo maalin ah ka socon doonta magaalada Muqdisho.
Madashan ayaa waxa kasoo qeybgalay wafdi ka socday Dowlada Suudaan oo ay hogaaminayso Wasiirka Maalgashiga iyo Iskaashiga Caalamiga, Ahlam Madani Mahdi, iyo Mas’uuliyiin ka tirsan dowlada Soomaaliya iyo shirkado Ganacsi oo ka kala socday labada dal.
