Wasiirka Awqaafta iyo Arrimaha Islaamka ee Xukuumadda Federaalka Soomaaliya, Mudane ๐ฆ๐ต๐ฒ๐ฒ๐ธ๐ต๐ ๐๐ธ๐ต๐๐ฎ๐ฎ๐ฟ๐ฅ๐ผ๐ผ๐ฏ๐ผ๐๐๐ฎ๐น๐ถ, ayaa booqasho rasmi ah ku tagay Xarunta Hayโadda Awqaafta ee Jamhuuriyadda Turkiga, halkaas oo uu kulan miro dhal ah kula yeeshay Agaasimaha Guud ee hayโadda, ๐ฬ๐๐๐ฎ๐ป๐ถ๐ง๐๐ฟ๐ฎ๐ป, iyo Agaasime Ku-xigeenka, ๐ข๐๐บ๐ฎ๐ป๐ญ๐ฒ๐ธ๐ถ๐ฬง๐ฎ๐ธฤฑ๐ฟ๐ผ๐ดฬ๐น๐.
Kulanka waxaa Wasiirka ku weheliyey Danjiraha Jamhuuriyadda Federaalka Soomaaliya u fadhiya Turkiga, Mudane Fathudiin Cali, iyo xubno ka tirsan wafdiga Wasaaradda.
Related posts
Labada dhinac ayaa yeeshay wada-tashi ku saabsan sidii loo sii xoojin lahaa iskaashiga taariikhiga ah ee Soomaaliya iyo Turkiga ee dhinaca awqaafta, iyagoo si gaar ah diiradda u saaray horumarinta maamulka awqaafta, dhismaha hayโadaha, kobcinta awoodda shaqaalaha, iyo isdhaafsiga khibradaha farsamo.
Masโuuliyiinta Hayโadda Awqaafta ee Turkiga ayaa soo bandhigay waayo-aragnimada ay dalkoodu u leeyahay maamulka iyo horumarinta awqaafta, iyagoo muujiyey diyaar garow ay Soomaaliya kula wadaagayaan aqoonta iyo khibradaha gacan ka geysan kara tayeynta hayโadaha awqaafta ee dalka.
Wasiir Rooboow yaa masโuuliyiinta Hayโadda Awqaafta ee Turkiga la wadaagay mudnaanta weyn ee Dowladda Federaalka Soomaaliya ay siinayso horumarinta awqaafta, isagoo iftiimiyey dib-u-habeynta iyo nidaamyada cusub ee lagu casriyeynayo maamulka awqaafta, si ay door muuqda uga qaadato horumarinta adeegyada bulshada iyo kobcinta dhaqaalaha ku dhisan waqafka. Wasiirku wuxuu carrabka ku adkeeyey in dowladda ay ka goโan tahay dhismaha hannaan hufan oo waafaqsan sharciga iyo maamulka casriga ah, taas oo u baahan iskaashi iyo isdhaafsi khibradeed oo lala yeesho hayโadaha hormuudka ka ah arrimaha awqaafta.
Kulankan ayaa la filayaa inuu gogol xaaro marxalad cusub oo iskaashiga u dhexeeya Muqdisho iyo Ankara ee dhinaca awqaafta, iyadoo labada dhinac ay muujiyeen rabitaan iyo ka goโnaan ku aaddan hirgelinta barnaamijyo wax ku ool ah oo lagu horumarinayo maamulka awqaafta, tayeynta hayโadaha, iyo kor u qaadista hufnaanta adeegyada la xiriira awqaafta ee Soomaaliya.
