Wasiirka Warfaafinta iyo Hanuuninta Dadweynaha ee Xukuumadda Soomaaliya Cabdiraxmaan Cumar Cismaan (Eng. Yarisow) iyo wafdi uu hogaaminayo oo socdaal shaqo ku jooga magaalada Kampala ee xarunta Dalka Uganda ayaa halkaasi kula kulmay Wasiirka Warfaafinta, Isgaariinta iyo Teknoloojiyada ee Uganda Frank Tumwebaze.
Labada Wasiir ayaa ka wada hadlay xoojinta xiriirka labada dal iyo sidii ay isaga kaashan lahaayeen xagga xirfada, aqoonta, tababarsiinta shaqaalaha dowladda, isla markaana ay isdhaafsadaan macluumaadka xagga wararka.
Wasiirka Warfaafinta, Isgaariinta iyo Teknoloojiyada ee Uganda Frank Tumwebaze ayaa sheegay in uu aad ugu faraxsanyahay kulanka uu la qaatay dhigiisa Soomaaliya, isagoo xusay in labada dal Soomaaliya iyo Uganda ay ka dhexeyso xiriir soo jireen ah.
Wasiirka Warfaafinta iyo Hanuuninta Dadweynaha ee Xukuumadda Soomaaliya Eng, Yarisow ayaa sheegay in kulanka uu la qaatay dhigiisa Uganda Mr Frank Tumwebaze ay kaga wada hadleen arrimo ay ka midtahay xoojinta xiriirka labada Wasaaradood, hirgelinta Warbaahinta Bulshada (Public Broadcaster), sidii TV-yada dalka looga wada dhigi laha Digital iyo sidii ay Wasaaradda Warfaafinta Soomaaliya uga caawin lahaayeen xagga tababbarada.
Wasiir Eng. Yarisow ayaa u jooga Uganda si uu u indhadheeyo sida ay Warbaahinta Bulshada (Uganda Broadcasting Coorperation) u shaqeyso iyo sidii ay ku hirgeliyeen mashruuca u guurista digitalka
DHAMAAD
Wasaarada Warfaafinta
[email protected]
