Shirweynahii Shanaad ee Wakaaladaha Wararka ee Dunida ayaa maanta ka furmayo Xarunta ugu caansan Caasimadda Azerbaijan ee Baku oo lagu magacaaboย Hadary Aliyev Center, iyadoo shirkaasi uu Soomaaliya uga qeybgalayo Guddoomiyaha Golaha guud ee Warbaahinta Qaranka ahna Agaasimaha Wakaaladda Wararka Qaranka Soomaaliyeed ee SONNA Mudane C/raxmaan Yuusuf Sheekh Al-cadaala iyo Madaxa Qeybta Carabiga ee Wakaaladda Cumar Faarax.
Agaasimaha oo la hadlay Warbaahinta Qaranka ayaa sheegay in shirka uu maanta daah furi doono Madaxweynaha dalka Azerbaijan Ilham Aliyev, kaasi oo diirada lagu saari doono arrimo badan, isagoo intaa ku daray inay tahay markii ugu horeysay oo ay Soomaaliya xubin buuxdo ka noqoto Midowga Wakaaladaha Wararka Caalamka, isla markaana si rasmi ah shirkaasi looga shaacin doono xubinnimada SONNA ee Midowga Wakaaladaha Wararka Dunida.
Related posts
Guddoomiyaha Golaha guud ee Warbaahinta Qaranka ahna Agaasimaha Wakaaladda Wararka Qaranka Soomaaliyeed ee SONNA Mudane C/raxmaan Yuusuf Sheekh Al-cadaala ayaa hoosta ka xariiqay in 18-ka ย bishan oo ku beegan maalinta Jimcaha bandhig sawireed lagu qaban doonoย Caasimadda Azerbaijan eeย Baku, isla markaana ay shirkaasi ku soo bandhigi doonaan sagaal sawir oo ka turjumaya ย dhaqanka, dalxiiska, Jugraafi ahaan halka Soomaaliya ku taalo, taasi oo ka saacideysa in 93 Wakaaladooda wararka ay xog rasmi ah ka helaan Wakaaladda Wararka Qaranka Soomaaliyeed ee SONNA.
Dhanka kale Agaasimaha Wakaaladda Wararka Qaranka Soomaaliyeed ee SONNA, Mudane C/raxmaan Yuusuf Sheekh Al-cadaala ayaa waxa uu kulamo gaar gaar ah la qaatay qaar ka mid ah Madaxda Wakaaladaha Wararka ee Dalalka Spain, Talyaaniga, Bahrain, Turkey, Koonfur Kuuriya, Kuwait, Malaysia iyo kuwa kale, iyagoo isla meel dhigay heshiisyo horu dhac ah, waxaana ay u balan qaadeen in sanadkiiba mar ay tababbaro siin doonaan shaqaalaha Wakaaladda Wararka Qaranka Soomaaliyeed SONNA.
